Վերջին շաբաթներ շուրջը տեղի ունեցող քաղաքական իրադարձությունների հետ կապված, ակնհայտ է դառնում, որ գործող իշխանությունները փորձում են խուսափել քաղաքակիրթ և ծրագրային քաղաքական ընտրարշավից՝ շեշտը դնելով բացառապես վիրավորական տեքստերի, ցածրակարգ բամբասանքի և, ցավոք, փողոցային բառապաշարի վրա։ Սա, ամենայն հավանականությամբ, խոսում է քաղաքական և ծրագրային ասելիքի բացակայության մասին։
Այնուամենայնիվ, մենք չենք շեղվելու մեր որդեգրած սկզբունքային դիրքորոշումից և կվարենք բացառապես քաղաքակիրթ, իրական ընտրական պայքար՝ հարգելով թե՛ մեր ընտրողին, թե՛ մեր մյուս մրցակից քաղաքական ուժերին։
Վաղը, Բարգավաճ Հայաստան կուսակցությունը մեր հասարակությանը կներկայացնի իր ընդարձակ ծրագրային առաջարկը՝ Բարգավաճ Հայաստան կառուցելու տեսլականը։ Այս փաստաթղթում մանրամասն ներկայացված կլինի Հայաստանի հետպատերազմյան վերականգնմանն ուղղված համապարփակ ծրագիրը։
Մենք ուրախ կլինենք բոլոր արձագանքների, մեկնաբանությունների և իրական ծրագրային բանավեճի առաջարկների համար։
Գագիկ Ծառուկյանի արձագանքը Արարատի ցեմենտի գործարանը պետականացնելու վերաբերյալ
Արարատի ցեմենտի գործարանի պետականացման վերաբերյալ վարչապետ Նիկոլ Փաշինյանի հայտարարությանը կապված, ցանկանում եմ նշել մի քանի կարևոր կետ։
Տարիների ընթացքում իմ և գործարանի աշխատակիցների միջև ձևավորվել են ոչ միայն ջերմ հարաբերություններ, այլև իսկական ընկերություն ու հարազատություն։ Գործարանը, որը հանդիսանում է մեր հայրենիքի արդյունաբերական հզորության խորհրդանիշներից մեկը, ունի իր պատմությունը, իր աշխատակիցները և իր հասարակական պատասխանատվությունը։
Այս հայտարարությունը, թեև կարող է արթնացնել որոշ շերտերի հանրության, որոնք մտադիր չէին մասնակցել ընտրություններին, սակայն ես կարծում եմ, որ այն ավելի շատ հուզական լարվածություն է ստեղծում, քան իրական ռազմավարական նպատակներ է հետապնդում։ Իրական ռազմավարությունը պահանջում է ռիսկերի կառավարում, իրողությունների ընդունում և երկարաժամկետ մտածողություն։
Այսպիսով, թող շարունակի իր լաչառությունները։ Մենք կենտրոնանանք ծրագրային առաջարկների և քաղաքական ռազմավարության վրա։